Dr. Lekhjung Thapa — Member of Parliament, Rupandehi 3. Strong voice. Real service.
Serving Nepal.

रोग लाग्दा बिरामीले अस्पताल रोज्दैन, उसले आशा रोज्छ । तर जब अस्पतालमा आवश्यक जनशक्ति हुँदैन, पर्याप्त शय्या हुँदैन, जीवनरक्षक औषधि र खोप हुँदैन, तब बिरामीको आशा नै निराशामा बदलिन्छ । आज म लुम्बिनी प्रदेशकै गौरव, रुपन्देहीस्थित भीम अस्पतालको विषयमा सरकारको गम्भीर ध्यानाकर्षण गराउन चाहन्छु । वि.सं. १९९० सालदेखि सेवा दिँदै आएको यो अस्पताल आज रुपन्देही मात्र होइन, कपिलवस्तु, अर्घाखाँची, गुल्मी, नवलपरासी तथा सीमावर्ती भारतीय नागरिकको भरोसाको केन्द्र बनेको छ । ५० शय्याको स्वीकृत क्षमता भए पनि दैनिक ५००–६०० बिरामीलाई झण्डै १०० शय्याको अस्पतालसरह सेवा दिइरहेको छ । प्रदेशकै उत्कृष्ट अस्पताल घोषित हुँदासमेत आवश्यक जनशक्ति छैन, अस्पताल अझै ५० शय्यामै सीमित छ, आईसीयू सेवा छैन, र एन्टि–रेबिज भ्याक्सिनको समेत नियमित उपलब्धता हुन सकेको छैन । उत्कृष्ट सेवा दिने अस्पताललाई उपेक्षा गरेर स्वास्थ्य प्रणाली बलियो हुँदैन । उत्कृष्ट अस्पताललाई पुरस्कार होइन, आवश्यक स्रोत दिनुपर्छ । त्यसैले म सरकारसँग तीनवटा स्पष्ट माग गर्दछु—भीम अस्पताललाई तत्काल १०० शय्यामा स्तरोन्नति गरियोस्, स्वीकृत दरबन्दीअनुसार दक्ष जनशक्ति तत्काल पदपूर्ति गरियोस्, र एन्टि–रेबिज भ्याक्सिनको नियमित र अविच्छिन्न आपूर्ति सुनिश्चित गरियोस् । भीम अस्पताललाई बलियो बनाउनु भनेको केवल एउटा अस्पताललाई बलियो बनाउनु होइन, लुम्बिनी प्रदेशका लाखौँ नागरिकको स्वास्थ्य अधिकारलाई बलियो बनाउनु हो । धन्यवाद । #fypシ゚ Lekhjung Thapa Official #bhimaspatal

🙏 आमाको चिन्ताले देश छोड्न सकिन... ▶️ Full Episode: 👇 https://youtu.be/O-mBirgJVlo?si=DKSleEl9tUZ-F4wj #fypシ゚ #DrLekhjungThapa #raswapa #behindthetitle #educationsamachar Lekhjung Thapa Official Lekhjung Thapa Official

Behind the Title को पहिलो शृंखलामा पहिलो अतिथिका रूपमा सहभागी हुने अवसर पाएकोमा खुसी लागेको छ । यस शृंखलाका प्रस्तोता महेश तिमल्सिनासँगको संवादमा मेरो व्यक्तिगत यात्रा, चिकित्सक जीवन, संसदीय अनुभव, जनताप्रतिको जिम्मेवारी र आगामी सोचबारे खुलेर कुराकानी गरेको छु । #behindthetitle @highlight #everyoneシ゚

यतिबेला राष्ट्रिय स्वतन्त्र पार्टीको प्रथम महाधिवेशन चितवनमा नयाँ ऊर्जा, आशा र संकल्पका साथ चलिरहेको छ । परिवर्तन, सुशासन र नयाँ राजनीतिक संस्कारको यात्रामा सहभागी हुन पाउनु मेरा लागि गौरवको विषय हो । जनताले दिएको अमूल्य विश्वासका आधारमा म अहिले प्रतिनिधि सभा सदस्यको हैसियतले संसदीय जिम्मेवारीमा क्रियाशील छु । संसदभित्र र संसदबाहिर जनताको आवाजलाई अझ प्रभावकारी ढंगले उठाउँदै, पार्टीले लिएको सुशासन, पारदर्शिता र परिवर्तनको अभियानलाई थप सशक्त बनाउने मेरो निरन्तर प्रयास रहनेछ । महाधिवेशनबाट निर्वाचित हुने नेतृत्व, पदाधिकारी तथा केन्द्रीय सदस्यहरूले संगठनलाई अझ बलियो, व्यवस्थित र जनविश्वासको केन्द्रका रूपमा स्थापित गर्नुहुनेछ भन्ने पूर्ण विश्वास लिएको छु । सम्पूर्ण उम्मेदवार साथीहरूलाई हार्दिक शुभकामना व्यक्त गर्दछु । विचारप्रतिको निष्ठा र संगठनप्रतिको प्रतिबद्धता पदभन्दा माथि हुन्छ भन्ने मेरो विश्वास रहेको छ । राष्ट्रिय स्वतन्त्र पार्टीको प्रथम महाधिवेशन सफल रहोस् । नयाँ नेतृत्वले नयाँ ऊर्जा, नयाँ सोच र नयाँ संकल्पका साथ पार्टीलाई अझ उचाइमा पुर्‍याओस् भन्ने हार्दिक शुभकामना व्यक्त गर्दछु । 💙🇳🇵 डा. लेखजंग थापा प्रतिनिधि सभा सदस्य, रूपन्देही–३

गणतन्त्र दिवस केवल एउटा राजनीतिक व्यवस्था परिवर्तनको दिन होइन, यो नेपाली जनताको संघर्ष, त्याग, बलिदान र लोकतान्त्रिक चेतनाको ऐतिहासिक उपलब्धि हो । यस ऐतिहासिक दिवसका अवसरमा लोकतन्त्र, संविधान, समावेशिता, सामाजिक न्याय र जनअधिकारका लागि योगदान पुर्‍याउनुहुने सम्पूर्ण ज्ञात–अज्ञात सहिदहरूप्रति हार्दिक श्रद्धाञ्जली अर्पण गर्दछु । गणतन्त्रको वास्तविक अर्थ तब मात्र सार्थक हुन्छ, जब प्रत्येक नागरिकले सम्मानजनक जीवन, समान अवसर, गुणस्तरीय शिक्षा, स्वास्थ्य, रोजगारी र न्यायको अनुभूति गर्न सक्छ । त्यसैले गणतन्त्रलाई केवल उत्सवका रूपमा होइन, जनताको जीवनमा सकारात्मक परिवर्तन ल्याउने जिम्मेवारीका रूपमा आत्मसात् गर्न आवश्यक छ । गणतन्त्रको मर्म, संविधानको सम्मान र जनअधिकारको संरक्षण गर्दै समुन्नत नेपालको निर्माणमा सबै एकजुट बनौँ । 🇳🇵 गणतन्त्र दिवसको हार्दिक मंगलमय शुभकामना । 🇳🇵 — डा. लेखजंग थापा प्रतिनिधि सभा सदस्य रूपन्देही–३ @followers @highlight Lekhjung Thapa Official #ganatantranepal

बकर ईद (ईद–उल–अजहा) को हार्दिक मंगलमय शुभकामना । 🌙 त्याग, आस्था, समर्पण र मानवताको महान सन्देश बोकेको यस पावन अवसरमा सम्पूर्ण मुस्लिम दाजुभाइ तथा दिदीबहिनीहरूमा सुख, शान्ति, समृद्धि तथा उत्तरोत्तर प्रगतिको हार्दिक शुभकामना व्यक्त गर्दछु । यस पर्वले समाजमा आपसी सद्भाव, सहिष्णुता, भाइचारा र राष्ट्रिय एकताको भावना अझ प्रगाढ बनाओस् भन्ने कामना गर्दछु । ईद मुबारक । @followers @followers Lekhjung Thapa Official #eidmubarak

भगवान गौतम बुद्धको जन्मजयन्तीका पावन अवसरमा सम्पूर्ण नेपाली दाजुभाइ तथा दिदीबहिनीहरूमा हार्दिक मंगलमय शुभकामना व्यक्त गर्दछु । शान्ति, करुणा, सहिष्णुता र मध्यम मार्गको सन्देश दिनुहुने बुद्धका शिक्षाले आजको समाजलाई अझ सहिष्णु, सभ्य र मानवतामूलक बनाउने प्रेरणा दिइरहेको छ । यस पावन दिनले हामी सबैलाई द्वेष होइन, करुणाको बाटो रोज्न, विभाजन होइन, एकताको भावना बलियो बनाउन र सत्य, अहिंसा तथा मानवताका मूल्यलाई आत्मसात गर्न प्रेरित गरोस् भन्ने कामना गर्दछु । बुद्ध जयन्तीको हार्दिक शुभकामना । @followers @highlight Lekhjung Thapa Official

जननी जन्मभूमिश्च स्वर्गादपि गरियसी... मातातीर्थ औँशी अर्थात् आमाको मुख हेर्ने पावन अवसरमा सम्पूर्ण आमाहरूमा हार्दिक सम्मान, कृतज्ञता तथा शुभकामना व्यक्त गर्दछु । आमा केवल एक शब्द होइनन्, आमा माया, त्याग, धैर्य र जीवनको पहिलो पाठशाला हुन् । हामीलाई जन्म दिने, हुर्काउने, दुःखमा ढाडस दिने र सफलतामा मुस्कान दिने आमाको माया संसारकै सबैभन्दा अमूल्य शक्ति हो । मातातीर्थ औँशीको हार्दिक शुभकामना । डा. लेखजंग थापा प्रतिनिधि सभा सदस्य रूपन्देही ३ @followers Lekhjung Thapa Official #Aama